| Profil de 飘飘过的云PhotosBlogListes |  Outils  Aide |
飘过的云前面噶路喺点样我唔知,只能顺住条路行落去! |
||||||
|
|
28 novembre 今日真喺好唔开心! 本身一个月前定咗话日去玩架!结果到最后个个都放飞机,连果个飞机王都应承咗唔放我机噶结果都喺要做返飞机王放我飞机!到好唔爽!
中午时阿妈又唔知煲咗D咩汤俾我饮,我饮完无几耐后就又开始呕,又开始胃寒了!搞到成个下午好唔舒服咁训企张床度,然后又同几个F吵交,胃唔舒服到心情唔好,仲要揾D唔好噶嘢同我吵!好烦!最好搞到手机噶2旧电池都无电先罢休!
晚餐吃饭时,我一口饭都未吃,屋K人就开始又同我吵,到我就夹咗个青菜吃就吃唔落,冲咗返房!真喺好唔想吵,本身唔舒服架啦,点解去到都要同人吵?!今日真喺我噶黑仔日,可能返工仲好D,早知就返工对住个癫鸡算了! 第一次胃痛 大前日打电话返屋K同阿妈讲话我火,结果果晚返到去就一大堆嘢等住我饮,首先饮咗几碗莲藕+罗汉果煲噶汤,饮后后无几耐,阿妈竟然煲咗一大壶良茶!阿妈交待落一定要饮晒,所以我就饮晒咗!
结果半夜开始出事了,无啦啦竟然痛醒咗,而且上半身发冷,作呕,屙肚!呜呜!好辛苦啊!本身谂住饮D热水训返佢就无事,结果成晚感觉好冻,而且又周身唔舒服,感觉有D类似于发烧烧成40几度噶感觉!然后前日顶硬上返工司,结果都喺唔舒服,都喺成日感觉想呕,仲感觉到好冻!天啊!好辛苦!而且经过咗一D同事噶诊断后,话我应该喺胃寒!天啊!我噶胃一向都几好!我又唔饮冻嘢,而且又唔中意饮汽水同吃雪糕,结果就因为饮得太多凉噶嘢搞成咁!不过胃寒真喺好唔舒服,不过好彩果晚返到屋K后就训,训到昨天就无事了!全身唔再发冷,胃唔再痛!唉,以后真喺要好好照顾个胃先得! 真喺唔想同癫噶人讲嘢! 我真喺嚟越接受唔喺果位癫人同事!开始无接触就觉得佢怪怪哋,咩都急冲冲咁,而依家开始做佢噶单,我就觉得顶唔顺了!
首先,佢喺OP,比DOC噶我有话事权,好多嘢都由佢果边决定,而且佢噶部门有阿头,照理点都唔会烧到我头上啊!但喺有一票MIA噶R/O去其它地方,上次我只建议咗下话用同行噶代理,结果前几日又嚟一票,又嚟问我用咩代理,我话最好问返MIA果边,睇下佢哋噶意见,结果佢竟然话MIA果边咩都唔识,仲俾我噶感觉好似我唔帮佢咁,但喺依票货既然喺MIA噶SALE拉返嚟噶客人,点都要先问咗MIA噶意见先再决定啊,而且果边唔知点做当然就谂好几点方案俾佢哋决定啊,有咩可能由我依个低佢一级噶DOC讲返俾佢知应该用咩代理啊!而且每个人一入公司就知道每票货用边间代理都喺由OP嚟决定,从嚟唔会由DOC嚟决定架!真喺有病!
第二,有个客人噶货拼埋起身先得果12CBM,但佢死喺要装个40ST,40ST可以装成50几个CBM啊,而且一个20ST都可以装到21CBM左右拉,而且20ST噶费用点都俾40ST少好多,如果我喺客人肯定选20ST了,但唔知佢究竟有无问过国外客人定喺自己决定装返40ST,反正佢一句话:"这个客人从来出货都是出40ST,照用40ST走!"我哋全部都好怀疑咁用40ST噶柜,而且最令我同DANY嬲噶喺,佢竟然无问客人拿好晒D PK同INV,就全部按正常无咩特别噶嚟做,到补完料后先因为客人噶资料搞到报唔到关,令到GLEN下午一返嚟就为咗依个柜同KATHY一齐整咗成个下午,直到第二日先搞得掂,真喺唔知点解唔问SHPR拿好晒资料安排好先出货,喺都要将D时间整得咁急!
第三,前日先出咗单差D因为报唔到关走唔到噶柜,佢今次又搞单嘢出嚟.D工厂个个企个BOOKING度写好咗28号货先好,29号先可以送货,佢竟然俾工厂截27号噶船期,而且仲要逼D 工厂尽早出货,而且死要人拿LATECOM,最激气噶喺,果间船公司本身就截周六10点定12点,佢竟然叫人要拿LATECOME到周六下午17:00,我一听到就好想闹佢,佢唔想落班难道我就要陪佢落班啊!周六喺12点落班,难道我就要傻傻咁等到下午4点几补到料先走啊!中间果段时间佢俾钱俾我都唔要加班!我真喺好嬲佢!虽然个客人话喺赶最早噶果班船,但喺只要同佢讲话D工厂全部要28号29号先可以送到货,咁客人都会接受唔赶30或31号开噶果班船啦,而且刚好又卡住企周六日,如果D工厂送少货,但我哋又原计划咁补,到时噶改单费边个出啊,国外客人肯定唔俾啦!而且好几票货都无出口权,都要通过买单公司做买单,咁样仲咁搞法,无出事仲好,出事米死得人?!而且因为佢咁搞到,搞到依个柜未走都已经产生咗1000蚊噶额外用!而且依D钱全部由我哋自己吸收!我好憎佢!
第四,单嘢我仲记得好清楚,有个工厂话用太高,我同佢讲咗后,佢话佢无权整,然后我话"咁我发EMAIL俾依间CNEE噶中国办事处,睇下佢点整啦!"佢当时话好,就咁做,结果第二日即时跑过嚟话:"喂,那个费用不应该问CNEE的中国办事处..........."我听到后好激,明明前日同佢讲咗,佢话好,结果昨天早上即时用带有指责噶态度嚟讲我!有病啊!神又喺你,鬼又喺你!以后米洗指意我帮你!
第五,企佢心目中佢噶事永远喺最最最急噶,我哋其他人噶嘢就唔急!每次佢讲电话,我都会等佢讲完先揾佢,但佢呢?唔会,当你同个客人讲电话,佢死要插把嘴过嚟讲嘢,而且仲当你听到咁,无谂过虽然人喺有2个耳仔,而且都可以听到几方噶声音,但绝对无可能依只耳仔听客人讲嘢同处理,另一只耳仔就听你讲嘢同处事你噶嘢啊!上次有个客人打电话过嚟问拿一D资料,因为D资料企MINI度,所以佢就死企度大话:"MINI...."而且仲一论嘴咁讲咗几件事,而且全部要MINI即时讲俾佢知,我听到都觉得有病,佢一论嘴咁讲出嚟要人哋做几样嘢,难道人哋唔洗打开个文件嚟回答佢啊,连插把口都唔得,而且佢一论嘴讲完后停都未停就即时话:"MINI怎么还没给过来?"天啊!佢把嘴唔想合埋都唔洗咁架!不过MINI当时都好嬲咁大大声咁反驳咗佢一句:"你一论嘴说这么多,也要给我时间查啊!"好憎果条粉肠!其实果单嘢,可以同SHPR话等阵查好后10分钟内再复电话俾佢,而佢竟然唔识咁样做,就识得揾自己人嚟帮人急!人哋都唔急,你急咩啊?!
反正我对佢无好感,连VIKY都话佢喺癫噶!如果可以噶话,我真喺想同公司投诉佢!以为自己好掂,其实咩都唔喺,态度又唔好!总之好憎佢!米洗止意我再好好脾气咁对佢! 14 novembre 又用钱了! 今日行街买咗件300蚊噶外套,返到屋K执下D衫时,发现我噶外套几多,感觉依件有少少多余,唉!早知买果件羽绒啦!有少少后悔,不过我依家所拥有噶几件外套,有D都着咗成几年了,旧晒,有少少想换,但喺又有D唔舍得,因为未烂,只喺旧!点办好呢?个心仲喺有D心动想买果件羽绒!唉!买唔买好呢?
行完街,李玲无啦啦想打边炉,就即时打电话俾小吟啊,陈胜啊,邮差!然后就直接杀咗去潮泰度吃嘢!几好味,不过吃得好饱,小吟不停咁叫嘢,然后邮差,陈胜都吃咗嘢,就得我啦,李玲啦,小吟企度不停咁吃!晕死!然后我应该喺吃得最多果个,因为李玲同小吟不停咁夹菜俾人吃,邮差就不停咁夹俾我吃,所以我好努力咁吃!吃到最后个胃好辛苦!唉!下次都喺米去潮泰吃好了,因为小吟会叫好多嘢!而且潮泰依家俾我印象最深刻噶喺曾经俾人当喺动物咁睇!
11 novembre 今年感觉事事不顺 唉,又一件衰嘢!无啦啦发现眼球度生咗个类似于痘痘噶脓企度,搞到成只眼红晒!呜呜!好惊以后睇唔到嘢,真喺好惊,虽然睇嘢好正常,唔痛唔痒,但好惊啊!好想请一日假去睇医生,但喺明天又要代表公司去MAERSK度开会,好彩经理同我讲话开完后就去睇个医生再返嚟,如果唔得就直接请假!呜呜!唉!希望只眼无事啦~真喺好惊!
 (影落嚟先见到只眼咁红,照镜就睇到少少!好恐怖啊!)
唔理了,明天开完会就冲去睇医生!希望无事啦!呜呜! |
|||||
|
|
